دقيقه من فضلك !!!!!!
دى سرعه الشبكه الكهربيه 2957 وهيا المفروض تكون 3000 ومعنى انها قليله ان الاحمال زياده عن التوليد ودا كان فى فتره الذروه....
وعلشان كدا لازم يقوم التحكم بقطع الاحمال الزائده حمايه للشبكه الكهربيه ومكوناتها وبردو الاجهزه ف المنازل ........
وبالتالى اما تكون سرعه الشبكه كدا فى الشتا ,نقدر نتوقع ان هنواجه مشكله كبيره جدا فى الصيف لان الاحمال بتكون زائده جدا,,,,وبالتالى هيضطر التحكم زى مقولنا عن قطع الاحمال اضطراريا,,,, بس احنا بادينا نحاول تقليل فتره قطع التيار ودا عن طريق :
(تـــــــــــرشيد استهلاك الـــــــــكهرباء)
مش معنى ان بقول نرشد الاستهلاك اننا منشغلش الاجهزه بتاعتنا ,,
فتره الذروه بتكون من بعد المغرب لحد الساعه 10 مساء ,كل المطلوب ان فيه بعض الاجهزه ممكن استعملها فى باقى ساعات اليوم بدلا من استعمالها فى فتره الذروه زى مثلا :
الغسالات الاوتوماتيك
والافران الكهربيه
والمكنسه وغيرها من الاجهزه....
ولو عندى اكثر من وحده تكييف فى المنزل ممكن استخدم وحده واحده ف الفتره دى فقط وبعد كدا اقدر استخدم باقى الوحدات فى باقى اوقات اليوم
وغير كدا ممكن ارشد شويه فى استخدام الاضاءه فى فتره الذروه بحيث ان استخدم اضاءه فى المكان اللى انا محتاجه فقط مش لازم كل البيت تكون الاضاءه شغاله
على فكرا الحاجات دى بسيطه جدا وممكن كل واحد يقول يعنى الحاجات الخفيفه دى اللى هتحل مشكله الكهربا ؟
ياجماعه والله لو كل واحد عمل الحاجات دى هنحس بتغيير كبيير وهتقل فتره انقطاع الكهرباء
عبدالله كامل
0 التعليقات:
إرسال تعليق
تعليقاتكم تهمنا ( نتمني دائما أن نكون الأفضل بإذن الله )